Merr fund historia, ndahet Melisa dhe Andi

Melisa Lleshi dhe Andi Shehu i japin fund lidhjes së tyre që nisi pas daljes së dyshes nga programi i dashurisë “Për’puthen”.Ditën e djeshme, 23-vjeçarja ka ndarë në llogarinë e saj në Instagram një shprehje që i ka bërë të gjithë të dyshojnë se ata nuk janë më bashkë.

”Unë jam shumë e pastër për ty apo për këdo”, thuhet në shprehjen e publikuar nga Lleshi. Por, ajo nuk e la me kaq. Ish-konkurrentja publikoi një Instastory tjetër, nëpërmjet të cilit i parapriu mesazheve të ndjekësve.

“Para se t’ja nisni të gjithë, dijeni s’dua pyetje! Iu vu pika muhabetit!”, shkroi ajo. Mirëpo, sikur kjo të mos mjaftonte, si Andi ashtu edhe Melisa, i kanë fshirë të gjithë fotot që kanë pasur bashkë në Instagram.Andi nga ana tjetër, nuk ka bërë asnjë reagim përveç fshirjes së fotove me Melisën.