Ori Nebijaj rrëfen momentin më të vështirë në televizion: Kam qarë me dënesë…

Ori Nebijaj, moderatorja e njohur, ka pasur një periudhë tepër të ngarkuar në karrierën e saj sepse krahas televizionit, kandidoi si deputete në PD.

E ftuar në emisionin “Jonida’s Room”, ku rrëfeu një moment shumë prekës që i ka ndodhur gjatë fushatës. Ajo tregoi se mes gjithë vrullit të punëve kishte harruar ditëlindjen e babait të saj, që nuk jeton më prej disa vitesh.

“Ka qënë në 14 Prill dhe unë isha live në emision dhe ne kemi një moment në emision ku japim kuriozitete dhe unë ul kokën të lexoj kuriozitetin që lidhej me buzëqëshjen,të ndjerit mirë, sa e rëndësishme është të buzëqeshësh dhe ishte ditëlindja e babait tim dhë unë e kisha harruar komplet në atë moment u ndjeva shumë keq që isha harruar nga puna dhe ndërkohë që po e lexoja po qaja me dënesë dhe Isli nuk po e kuptonte cfarë po ndodhte dhe ai mori situatën në kontroll dhe unë dola nga studio mblodha veten por u ndjeva realisht shumë keq që kisha harruar ditën e tij”, tregoi Ori e prekur.