Më në fund Kristiani vendos të flasë për çajin Matcha
Disa ditë më parë, Arjan Konomi akuzoi rëndë Kristianin se po shpërndante drogë në program, një lëndë që të rriste performancën.
E gjitha nisi sepse Arjani i tha Erlindit që ky çaji të ka tërbuar fare.
Sara: Çaji i tërbon djemtë.
Kristiani: Është çaj që nuk shitet dhe unë e përdor për rritje të performancës. Jam i vetmi që e kam si çaj. E ka përdor dhe Erlindi, ia ka ndjerë efektin. E ka përdorur dhe Antonela. Është caj matcha që nuk të rrit adrenalinën, as pulsin.
Arjani: Kjo është situatë delikate, të cilën e kam vënë re. Kam dyshuar dhe në njëfarë mënyre tek Erlindi nuk është më ai djalë që ka qenë në fillimet e tij dhe tani është bërë “fluturon, fluturon gomari”.
Kristiani: Nuk ke fytyrë dhe të marrësh avantazh nga situata. Erlindi e ka përdorur dy herë. Nëse ke përdorur skript prap, të kryqëzoj me logjikë. Nëse do, ta tregoj pozicionin me takim 4 minutësh. Ti je opinionist, opinioni nuk ka vlerë për të vërtetën. Nëse do të sulmosh sharlatanët dhe mashtruesit, sulmoji ata se nuk ka sulmuar askënd dhe të kanë shkruajtur disa persona që unë i kam ndihmuar.
Arjani: Ajo që thua është çaj, nuk është çaj, por jep drogë. Të jep halucinacione. Ti je për tu arrestuar me këto që bën.
Kristiani: Manipulator, o zotëri është çaj matcha, mos hamendëso.
Arjani: Ti sjell këtu lëndë narkotike aziatike. Më kanë thënë se këtu djemtë konsumojnë nga ai pluhuri që sjell Kristiani. Kristiani të rrisë performancën e tij në takime. Më kanë thënë gazetarët se e kanë përdorur dhe në takimet e tij dhe është shpërfytyruar. Kjo lëndë mund të jetë narkotike.
Më në fund, Kristiani vendos të flas në lidhje me këtë çështje:
“I nderuar publik,
Si fillim ju falenderoj shumë për mesazhet pozitive dhe gjithashtu për ato kritika nga të cilat mund të rritem. Perfeksion në një qenie njerezore nuk kemi dëshmuar ndonjëherë pasi njeriu në esencë është një bashkim dobësie dhe fortësie ama qellimi është që sëbashku ta mbështesim dhe ta edukojmë njeri tjetrin që të zhvillohemi.
Në emisionin Përputhen unë hyra për ta gjetur dashurinë dhe jo për të konkuruar me Opinionistin. Fundja të jesh Opinionist nuk është ndonjë status kushedi se çfarë sepse vetë opinioni në thelb nuk është tjetër përveçse një gjykim apo një besim personal i pabazuar në prova.
Për një djalë të ri me ambicie për të përparuar në jetë nuk është e lehtë që të marri një akuze të tillë publike si shitës i lëndëve narkotike. Kjo është nje blasfemi me përgjegjësi morale.
Në jetë na ka ndodhur shumë shpesh që të persekutohemi jo sepse jemi të dhunshëm, as nga forca fizike por nga fuqia e argumentit dhe gjuhës së etikes. Ky fenomen më preku dhe mua me z. Arjan. Dhe nëse analizojmë sadopak, ajo që më ndodhi mua nuk më ndodhi vetëm mua por ju ndodhi dhe juve. Nuk është një ngjarje individuale është një incident kolektiv. Cenimi i lirisë së fjalës!
Z. Arjani si individ me pushtet brenda platformes në vend që të luante rolin fisnik dhe babaxhan e të përcjelli nuanca prinderimi dhe një shëmbull për ne dhe teleshikuesit, ai po e keqpërdor “pushtetin” e tij duke synuar futjen në humnerë mediatike të shumë potencialeve rinore duke e kthyer protagonizmin tonë në nivel tërësisht personal. Cili ishte produkti i “pushtetarit” z.Arjan? Nxjerrja me trupërojat e Top Channel të një të riu vetem sepse kishte argumentat. Çfarë bëra unë që të nxirrem jashtë nga programi në atë mënyrë? Nxorra ndonjë armë? Dhunova ndonjë rregullore të programit? Apo thjeshtë kisha argumenta që mund të lëkundin opinione?
Në jetë nuk ngrihet askush duke synuar uljen apo poshtërimin e të tjerëve dhe duhet ta kuptojme që edhe njerezit e rëndësishëm dhe me pozita gabojnë. Këta individë, po ashtu mund të kenë mllefe dhe inate që mund t’i dëmtojnë të tjerët, dhe në rastin konkret mua dhe Erlindin.
Nuk lejoj asesi blasfemi të tilla të pahijshme kundrejt meje.”- ka sqaruar Kristiani.
