“Më mungojnë disa organe”, Fedez zbulon si i ndryshoi jeta pas tumorit
Jeta e Fedez ka ndryshuar tërësisht muajt e fundit. Reperi njoftoi në mars në Instagram se kishte një tumor të rrallë neuroendokrin të pankreasit.
Tumori në pankreas
“Javën e kaluar zbulova se kam një tumor të rrallë neuroendokrin të pankreasit. Një nga ata që nëse nuk i zbulon në kohë të marrin jetën”. Ai pas një jave iu nënshtrua një operacioni delikat në Milano. “Më është dashur të bëj një operacion që zgjati 6 orë për të hequr një pjesë të pankreasit (përfshi edhe tumorin)” – tregoi këngëtari në profilin e tij në Instagram menjëherë pas operacionit. “Dy ditë pas operacionit jam mirë dhe mezi pres të shkoj në shtëpi te fëmijët e mi. Do të marrë pak kohë”. Më pas në maj një tjetër lajm i mirë për reperin dhe gruan e tij Chiara Ferragni, e cila nuk e la kurrë vetëm Federicon: Çdo gjë përfundoi dhe artisti mbajti koncertin ‘Love Mi’.
Një mënyrë jetese e re për Fedez
Pas një periudhe të vështirë, Ferragnez u nisën për pushime familjare në Ibiza. Para se të largohej nga Milani, Fedez u kthye në Spitalin San Raffaele për një kontroll: “Kontroll para se të mbaronte festa. Përjetësisht mirënjohëse për të gjithë stafin”, ka shkruar këngëtari. Federico, Chiara dhe të vegjëlit Leone dhe Vittoria po shijojnë qëndrimin e tyre në Spanjë. E teksa shijon pushimet, reperi ka realizuar një intervistë virtuale me ndjekësit e tij për t’iu përgjigjur kurioziteteve të tyre. Shumica e pyetjeve të drejtuara reperit kishin të bënin me tumorin. Federico tregoi se si jeta e tij ndryshoi pas operacionit. “Janë hequr disa organe (duodeni, fshikëza e tëmthit, pankreasi dhe një pjesë e zorrëve) dhe kjo ka përfshirë një ndryshim rrënjësor në dietën time”– shpjegoi ai në Instgram: “Fatmirësisht nuk jam bërë diabetike, por gjithmonë duhet të kontrolloj gjendjen time, sheqerin në gjak dhe kujdes me të ushqyerit, nuk mund ta teproj më me ushqimin dhe alkoolin”, tha 32-vjeçari. Në çdo rast, Fedez ka dashur të qetësojë fansat se si situata është nën kontroll: “Jam mirë, kam kontrolle në shtator, por jam shumë mirë dhe shpresoj të jem mirë për një kohë të gjatë”, përfundoi ai.
Përgjigje ndaj polemikave për videon në Ibiza: “Ishim me guidë”
“Ne ishim me një guidë që kishte të gjitha lejet për të bërë atë lloj ekskursioni. Sinqerisht nuk e kuptoj se ku qëndron problemi”- ishin fjalët e Fedez, që qetësuan ‘stuhinë’ që shpërtheu gjatë fundjavës, kur reperi dhe bashkëshortja e tij publikuan një video në perëndim të diellit nga maja e një mali, në Ibiza.
Për disa përdorues, në fakt, çifti ka dhënë “një shembull të keq”, sepse ata kishin hipur në një shkëmb për të krijuar përmbajtje për rrjetet sociale, duke vënë në rrezik sigurinë e tyre. Janë ata vetë, në fakt, që bëjnë shaka me eksperiencën e frikshme: “Sikur ta shihte mamin tim”, thotë blogerja në fund të videos. Dhe kështu ndodhi: “E pashë dhe nuk e miratoj”, komenton Marina Di Guardo, nëna e Chiarës.
