Ky vështrim që Ben Affleck i jep Jennifer Lopez sapo çmendi rrjetin

Ben Affleck dhe Jennifer Lopez janë padyshim dyshja e momentit. Ribashkimi i çiftit gëzoi të jgithë nostalgjikët, duke u rikthyer edhe njëherë në vitet 2000, kur ata ishin një nga çiftet më të dashura për publikun. Në tabloidet ndërkombëtare tanimë qarkullojnë foto të tyre, që nuk e fshehin më dashurinë. E tillë është edhe kjo foto, që duhet thënë ka çmendur ndjekësit. 

Ben dukej më se i lumtur kur çifti u gjend i bllokuar në trafik në Los Angeles poshtë Bulevardit Sunset, duke i buzëqeshur të dashurës së tij, 51 vjeçe, ndërsa ajo hodhi kokën prapa dhe lëshoi një psherëtimë të madhe. Vështrimi i Ben i kapur nga fotografi ka ‘vërtetuar’ dashurinë e madhe që ai ka për partneren.