Duhej të ndahej nga Pique që Shakira të shkaktonte këtë “tërmet” ekonomik…
Albumi i saj i ri “Las Mujeres Ya No Lloran” ( Gratë nuk qajnë) shënon një fillim të ri artistik dhe ka nxitur një turne botëror që po rishkruan rregullat e industrisë muzikore. Ajo që nisi si një rikthim, tani është kthyer në një nga historitë më shpërthyese kulturore dhe financiare të dekadës.
Që nga nisja e turneut në shkurt të vitit 2025 në Rio de Janeiro, “Las Mujeres Ya No Lloran World Tour” është shndërruar në një fenomen global. Më shumë se 2.5 milionë bileta janë shitur tashmë në të gjithë Amerikën, ndërsa vetëm koncertet në SHBA kanë gjeneruar afro 250 milionë dollarë.
Ndikimi i Shakirës nuk kufizohet vetëm te shitjet e biletave dhe të produkteve promovuese. Çdo ndalesë e turneut të saj shkakton një “tërmet” ekonomik. Në qytete si Charlotte, Arlington dhe Detroit, rezervimet në hotele janë rritur me mbi 200%. Pronaret e Airbnb kanë raportuar rritje të të ardhurave me gati 40%, ndërsa restorantet, baret dhe dyqanet pranë vendeve të koncerteve kanë përjetuar netët më të ngarkuara të vitit. Sipas publikimeve, ndikimi dytësor në të ardhura ka kaluar tashmë 100 milionë dollarë në qytetet amerikane.
