Vijon debati mes Visjan Ukcenajt dhe Ilir Shaqirit: Kujdes se do vij dhe…

Duket se tensioni i krijuar mes Ilir Shaqirit dhe VIsjan Ukcenajt sa vjen dhe po shtohet. Aktori dhe balerini u përplasën sërish me njëri-tjetrin dhe shkak u bë incidenti që i ndodhi baleriëns së tij në provat gjenerale të “Dance Albania”.

Aktori i humorit u shpreh se askush nuk e mori mundimin ta ndihmonte përveç, Klaudia Pepës. Pas kësaj erdhi dhe reagimi i Ilirit i cili u shpreh se Visjani është si një ‘partner kamikaz’.

Pjesë nga biseda:

Ilir Shaqiri: Unë habitem si ti gjithmonë kërkon të gjesh fajet tek tjetri. Për një problem që ti pate në skenë dhe që unë e pashë shumë mirë, e kuptova gravitetin, rrezishmërinë dhe e pashë shumë qartë mënyrën se si ra Marjana, që nga sipër dhe deri poshtë dhe e pashë që nuk ishte një diçka, kishte nevojë të ngrihej, gjithë studio për të të ardhur në ndihmë, në këtë rast Marjanës dhe për të ngushëlluar ty, si partner kamikaz që je. Sepse siç tha Ermali, nuk kërcehet me kapele.

Visjan Ukcenaj: Kujdes se do vij dhe do të shpërthej aty pastaj. U rrëzova dhe unë bashkë me Marjanën. Hiq dorë nga intrigat, s’ka nevojë, jeto i lirshëm, ne kemi ardhur për qejf këtu. Ti e ke nxjerr në rrjet social o Ilir. E ke nxjerr në rrjet social dhe thua thërrisni ambulancën me ironi.