Temperatura deri në 40 gradë në Shqipëri

Sipnotikanët e Shërbimit Meteorologjik Ushtarak thonë se vendi ynë vijonë të jetë nën ndikimin e masave ajrore të nxehta me origjinë nga Afrika ne Veriut . 

 Për pasojë, edhe për ditën e enjte, moti parashikohet i kthjellët dhe i nxehtë. 

Gjithashtu për shkak të origjinës së masave ajrore nga shkretëtira e Saharas parashikohet që cilësia e ajrit të jetë e dobët si pasojë e sasisë së lartë të grimcave të pluhurit dhe rërës. 

Era parashikohet të fryjë me drejtim kryesor nga kuadrati i veriut me shpejtësi mesatare 1-7m/sek, e hera-herës në mesditë përgjatë vijës bregdetare dhe zonave luginore fiton shpejtësi deri në 10-12m/sek. 

Temperaturat parashikohen: 

zonat malore 19°C deri në 36°C 
zonat e ulëta 19°C deri në 40°C 
zonat bregdetare 19°C deri në 38°C