Tea sqaron puthjen që dha me një djalë tjetër

Tea Trifoni, një nga personazhet publikë më të përfolur, postoi një video në Instastory-n e saj duke u puthur me një djalë në cep të buzës.

Pas kësaj video nisën aludimet se Tea ka nisur një lidhje të re dhe këto dyshime u rritën kur ajo e fshiu postimin.

Mirëpo Tea ju ka dhënë fund aludimeve duke treguar se si qëndron e vërteta e kësaj lidhjeje. Ish-konkurrentja e “Për’puthen” ka treguar se djalin në fjalë e ka thjesht mik të mirë dhe se nuk do të flasë më fare për lidhjet e saj këtej e tutje.

“Atë që ke bërë video aman ça e ke burrë?”, e ka pyetur një ndjekës Tean.

“Sigurisht që jo, Geri është një miku im i vjetër. Kur vjen puna tek lidhjet e mia romantike, shanset janë që kurrë nuk do lejoj askënd të dijë asgjë”, është përgjigjur ajo.