Sara dhe Atdheu u deklaruan vetëm për njëri-tjetrin, dalin çift nga program

Sara gjithmonë ka qenë në qendër të vëmendjes për shkak të provokimeve të saj të shumta në “Për’puthen”. Disa javë më parë, ajo u deklarua në program vetëm për Gelianin, të njëjtën gjë bëri dhe ky i fundit. Atëhere kur të gjithë mendonim se dyshja do të dilte çift, Sara poston një foto në Instagram me Atdheun, ku shihen tepër të afërt me njëri-tjetrin.

Nuk u vonua shumë as reagimi i Gelianit, i cili u duk tepërt i zhgënjyer.

Mirëpo në puntatën e sotme, Atdheu u deklarua se është vetëm për Sarën, madje i propozoi të dilnin çift nga emisioni.

 “Dua të largohem nga programi nëse ti dëshiron që ta vazhdojmë njohjen jashtë”, tha Atdheu.

Ky vendim i dyshes i surprizoi të gjithë, duke qenë se ata kanë pasur herë pas here përballje të forta mes tyre. Megjithatë Sara u shpreh e lumtur për këtë gjë dhe tha se po del nga emisioni me njeriun që vërtetë ka dashur që në fillim.

“Unë jam pak egoiste, por tani e kam ndjerë me shpirt këtë gjë që bëra dhe jam shumë e lumtur. Po dal nga ky emision me njeriun që vërtetë kam dashur të dal dhe në fakt nuk e prisja me gjithë situatat që kanë ndodhur mes nesh, por fatmirësisht i kaluam”, tha Sara.

Ndërsa Antonela që riktheu Atdheun në emision, e cilësoi gjithë këtë situatë si një aktrim.