Olsa Muhameti zbulon personazhin e parë që do të jetë pjesë e “Kepi i Tundimeve”

“Kepi i tundimeve” do të sjellë në ekran aventurën e pesë vajzave dhe pesë djemve të cilët duhet të rrinë me bikini gjatë gjithë kohës, teksa jetojnë në një vilë të përbashkët.

Ditën e sotme e ftuar në programin e mëngjesit në Top Channel, “Wake Up”, autorja Olsa Muhameti zbuloi disa detaje të reja. Ajo konfirmoi pjesëmarrjen e ish-konkurentit të “Përputhen”, Atdhe Xharavina.

Olsa gjithashtu zbuloi për here të parë edhe emrin e një personazhi të cilit i kishte bërë ftesë por ai e kishte refuzuar. Bëhet fjalë për Andi Artanin, ish- pjestar i “Përputhen”.

“Për mendimin tim do ti bënte mire ta kishte pranuar ftesën time, por kjo gjë mbetet në dëshirën e secilit”, përfundoi Olsa.