Leonardo DiCaprio dhe Gigi Hadid çojnë raportin e tyre në nivel tjetër

Çifti i ri Gigi Hadid dhe Leonardo DiCaprio e kanë zhvendosur romancën e tyre në një fazë më intime, sipas ‘Page Six’ – por burime pranë çiftit thonë se ata “po i hedhin hapat ngadalë”.

Burimet thonë se prej muajsh modelja 27 vjeçare dhe aktori 47 vjeçar janë afruar pasi kanë edhe të njëjtin grup miqsh. Por tani ata kanë filluar të dalin në takime vetëm të dy.

Një person i brendshëm ka thënë se ata “kryesisht janë shoqëruar me miq të përbashkët”, duke shtuar, “dhe disa herë vetëm”. “DiCaprio nuk është dikush që është brenda dhe jashtë marrëdhënieve,” shpjegojnë ata, “Ai nuk nxitohet. Ata po e marrin ngadalë.” Të dy u panë së bashku të shtunën në mbrëmje në një festë të organizuar nga shoku i yllit të “Don’t Look Up” Richie Akiva dhe Darren Dzienciol në një papafingo në Soho.

Thuhet se dyshja ishin gjithashtu së bashku diku javën e kaluar, por të dy ende “po njihen me njëri-tjetrin”. Hadid dhe DiCaprio janë takuar disa herë gjatë viteve, por nuk kanë pasur kurrë lidhje romantike deri më tani. Ata u panë për herë të parë në një ambient së bashku me motrën e Hadid, Bella dhe Kendall Jenner në Art Basel në Miami në vitin 2019.

Por thashethemet se ata janë lidhur filluan pasi u panë duke u shoqëruar së bashku në hapjen e Ned – klubit të ri të Akiva vetëm për anëtarët e rinj në Manhattan – në korrik. Një tjetër burim i tha ‘Page Six’ se DiCaprio dhe Hadid u panë sërish bashkë në klubin në Manhattan në gusht.

Marrëdhënia “relativisht e re” vjen jo shumë kohë pasi u zbulua se ylli i “Titanic” ishte ndarë nga e dashura e tij prej katër vitesh, Camila Morrone, vetëm disa muaj pasi modelja mbushi 25 vjeç. Ylli i “Wolf of Wall Street” me sa duket po thyen rregullin e tij për tu lidhur vetëm me vajza që janë nën 25-vjeç.