Khloe Kardashian flet për herë të parë për lajmet e tradhëtisë nga Tristan

Kur të gjithë mendonim se Tristan kishte zënë mend dhe çdo gjë po shkonte shumë mirë, një deklaratë prishi gjithçka.

Një 23-vjeçare e quajtur, Sydney Chase, pretendon se ka shkuar me Tristan Thompson dhe se për herë të fundit ka kontaktuar me futbollistin pas 3-vjetorit të vajzës së tij, True.

23-vjeçarja ka shpjeguar situatën me detaje në një video të publikuar në TikTok. Ajo ka treguar se ka pasur një lidhje të shkurtër me Tristan në muajin janar, pasi basketbollisti i kishte thënë se ishte beqar. Si fillim ajo foli në lidhje me këtë çështje në një intervistë.

“Ai më tha se nuk ishte më në një lidhje, kështu që thashë në rregull. Ne biseduam, jemi shoqëruar shumë herë, kemi dalë së bashku. Ndodhi dhe pastaj zbulova se ai nuk ishte beqar dhe e ndava”, është shprehur Sydney në një intervistë.

Për herë të parë pas këtyre lajmeve, Khloe ka reaguar në Twitter ku ka shpërndarë një status që të gjithë po përpiqen ta deshifrojnë.

“Njerëzit që nuk hezitojnë të ndajnë një fjalë të mirë ose të bëjnë një vepër të mirë për të ndriçuar ditën e dikujt tjetër janë lloji më i mirë i njerëzve”- ishte shprehja e shpërndarë nga Khloe që s’dihet për çfarë e ka.