Kendall Jenner zbulon si i tejkalon sfidat dhe gabimet në karrierën e saj

Modelja e njohur Kendall Jenner ka qenë në samitin e “Forbes nën të 30-tat”, dhe ka ndarë eksperiencën e saj se si i ka tejkaluar sfidat dhe gabimet gjatë karrierës së saj. “Zhvendosja në të qenit themeluese dhe pronare e biznesit tim, ishte një mënyrë vërtet e lezetshme për të njohur veten time”, tha ajo.

Jenner u shpreh se ka reflektuar me veten gjatë një kapitulli të ri të jetës së saj profesionale dhe se ajo ende përjeton momente konfuzioni të cilat e bëjnë atë të ndihet e pasigurt në veten e saj, raporton “E news”.

 “Ju përballeni me sfida, bëni gabime, të njohësh veten dhe të dish se si i trajton gjërat, dhe më pas të lëvizësh në përputhje me rrethanat, është shumë e rëndësishme”, tha 27-vjeçarja. “Ka një kurbë mësimi për të gjitha, por puna me integritet dhe autenticitet gjithmonë do të krijojë rezultate pozitive”.