Jennifer Aniston flet për marrëdhënien me David Schwimmer: Doja të thoja që fjeta me të, por jo

Ish-kolegët e serialit “Friends”, kohët e fundit kanë rrëfyer për marrëdhëniet mes tyre. Mediat e huaja raportojnë se në ribashkimin e serialit aktorja Jennifer Aniston ka folur për raportin e saj me aktorin David Schwimmer.  Jennifer ka mohuar të ketë patur diça më shumë se pëlqimi mes tyre.

“Unë do të thoja me krenari se fjeta me Schwimmer nëse kjo do të ndodhte. Por jo. E bukura është se ndjenjat që kemi patur i përçuam përmes Ross dhe Rachel. Prandaj pati sukses,“-është shprehur aktorja. Aktorja 52-vjeçare këmbënguli se nuk ishte “kurrë koha e duhur” për të dhe David për t’u bashkuar, dhe nëse do të kishin ajo nuk mendon se gjërat do të kishin ecur mirë.