E trishtë: Robert Ross ndahet nga jeta

Reperi i njohur, Black Rob ose siç e njohin të gjithë fansët e tij, Robert Ross, ndahet nga jeta në moshën 51 vjeçare.

Ky lajm i hidhur u konfirmua nga ish- shoku i tij i grupit, Mark Curry, i cili postoi një video – mesazh emocionues në llogarinë e tij në Instagram.

“Rob vdiq rreth një orë më parë”, tha Curry. “Nuk e di nga të filloj, por ju falënderoj të gjithëve për donacionet”.

Ai shtoi, “Ne kemi humbur shumë legjenda dhe nuk kemi mundësi të humbasim më”.

Miku i tij, Mark kishte bërë javën e kaluar një apel të GoFundMe për të ndihmuar Ross ‘të gjente një shtëpi, të paguante për ndihmë mjekësore dhe stabilitet gjatë këtyre kohërave’.

Megjithatë, aktori s’ia doli dot dhe hidhëroi fansat në mbarë botën me vdekjen e tij të papritur.