Dua Lipa po përgatitet të sjellë një album krejtësisht ndryshe nga “Future Nostalgia”

Dua Lipa është padyshim një nga emrat më të lakuar të momentit.

Suksesi i saj arriti majat me albumin “Future Nostalgia” që e përgatiti gjatë pandemisë.

Mirëpo mesa duket Dua ka mbledhur forcat dhe është duke përfunduar albumin e rradhës që sipas bashkëpuntorit të saj, Joe Kentish, është krejtësisht ndryshe nga ajo që u mësuam të dëgjonim.

Në një intervistë për “Variety” ai është shprehur kështu:

“Ajo po fliste për albumin Nr.3 kur sapo kishim bërë të dytin. Mbase jeni duke pritur që të bëjë një pushim por ajo thotë se “Mirë, çfarë tjetër?” Interesat, njohuritë, etja e saj për të mësuar gjëra të reja dhe për të kontrolluar atë që bën vetëm rritet dhe rritet. Ajo po merr kohë për të realizuar plotësisht albumin nga ana konceptuale, por besimi në vetvete për të nxjerrë diçka krejt ndryshe është i madh.”, tha ai.