Aktori i “Batman” ndërron jetë në moshën 65 vjeçare…

Ylli i Hollywood-it, Val Kilmer, i njohur për rolet ikonike në Top Gun, Batman dhe The Doors, ka ndërruar jetë në moshën 65-vjeçare pas një beteje të gjatë me shëndetin. Vajza e tij, Mercedes Kilmer, që ai e kishte me ish-gruan Joanne Whalley, zbuloi se babai i saj humbi jetën nga pneumonia në Los Angeles të martën. Ikona e ekranit u diagnostikua me kancer në fyt në vitin 2014 dhe iu nënshtrua operacioneve, përfshirë një trakeotomi që ndihmoi në ndikimin e aftësisë së tij për të folur. Më vonë, ai u shpall i shëruar nga kanceri, por mesa duket nuk arriti të triumfonte në këtë betejë me të.

Kilmer ishte i njohur për rolin e tij si Iceman në filmin e vitit 1986 Top Gun dhe si Batman/Bruce Wayne në Batman Forever të vitit 1995. Pavarësisht se zëri i tij ishte dëmtuar, ai bëri një rikthim të shkurtër në ekran në filmin Top Gun: Maverick të vitit 2022, duke rivendosur rolin e tij si Iceman përballë Tom Cruise. Kjo ishte dalja e tij e fundit në kinema. Po ashtu Kilmer interpretoi muzikantin Jim Morrison në filmin e vitit 1991 The Doors. Përveç Mercedes, 33 vjeçe, ai la pas edhe djalin Jack Kilmer, 29 vjeç. Kilmer ishte i martuar me nënën e tyre, aktoren e njohur Joanne, nga viti 1988 deri në vitin 1996. Vdekja e tij u konfirmua nga The New York Times të martën.