Aksidentohet Arjan Konomi: “Për pak humba krahun”

Arjan Konomit i ka ndodhur një e papritur së fundmi. Ai ka publikuar një video në Instagram, ku shihet i shtruar në një nga spitalet e Amman-it..

Arjani ka udhëtuar së fundmi në Jordani dhe ka pësuar një aksident.

Si pasojë e këtij aksidenti, ai i është nënshtruar një ndërhyrjeje kirurgjikale në krah. Jo vetëm kaq por Arjani bën me dije se për pak desh e humbi krahun e tij.

Tungjatjeta miq. Siç po më shikoni këtu në kushte jo të mira dua të ndaj me ju një fatkeqësi që më ndodhi. Ndodhem në spitalin e Amman-it. Dje kam bërë një ndërhyrje kirurgjikale të krahut tim të cilin desh e humba për pak, por për fat të mirë ka shpresë akoma që ta kem. Nuk di çfarë t’iu them tjetër. Nëse ju kam munguar tani në Instagram është për këtë arsye”, tha Arjani në videon që ka publikuar. Ne i urojmë shërim të shpejtë.