Arbana Osmani dhe Zoi rikthehen në shtëpi, Eduart Grishaj realizon mirëpritjen madhështore

Arbana Osmani dhe Zoi kanë lënë spitalin dhe janë kthyer në shtëpi.

Pritja për të sapolindurën ka qenë madhështore me një dekor princeshash. Ka qenë Eduart Grishaj i cili ka ndarë në Instagramin e tij një video ku tregon vendin e zbukuruar për të mirëpritur të voglën e tij.

Sigurisht mbizotëron ngjyra rozë. Gjithçka duket e menduar në detaj ku nuk mungojnë tollumbacet, lulet, torta dhe mbishkrimi i madh: “Mirëseerdhe Zoi.”

Kujtojmë që Arbana e solli në jetë Zoin më datë 1 shtator. Moderatorja e prezantoi të bijën me publikun me anë të një fotoje në Instagram ku shkruante: “Ëndrrat bëhen realitet! Bekimi i tretë i jetës sime sot na mbushi plot Jetë; Mirë se vjen Zoi❤️ Unë, babai yt dhe vëllezërit e tu që tani po çmendemi pas vajzës që aq shumë kam ëndërruar.”

Ky është fëmija i dytë i Arbanës me partnerin e saj Eduartin. Në 2020 çifti mirëpritën në jetë djalin e tyre të quajtur Diell. Ndërkohë ajo është nënë e një tjetër djali, Jonit, nga martesa e saj e parë.