Bajram Begaj zgjidhet President i ri i Shqipërisë

Bajram Begaj është zgjedhur Presidenti i ri i vendit.

Pas përfundimit të procesit të numërimit, ka rezultuar që 78 deputetë kanë votuar pro, vetëm katër deputetë kanë votuar kundër Begajt në krye të shtetit, ndërsa 1 deputet ka abstenuar.

Mazhoranca ka 77 deputetë, çka do të thotë se një nga deputetët e opozitës të cilët morën pjesë në procesin e votimit, ka votuar pro kandidaturës së Begajt.

Deputetët kanë votuar në lidhje me zgjedhjen e kandidatit Bajram Begaj si pasardhës i Ilir Metës. 83 deputetë kanë marrë pjesë në procesin e votimit.