Festivali i Këngës në RTSH, publikohen (më në fund) 28 këngët e artistëve pjesëmarrës së edicionit të 64-t

Mbrëmjen e sotme, Radio Televizioni Shqiptar ka publikuar në kanalin e saj zyrtar në Youtube të gjitha këngët pjesëmarrëse në edicionin e 64-t të Festivalit të Këngës.

Dashamirësit e këtij festivali dhe fansat e konkurrentëve kishin ditë në fakt që komentonin në rrjetet sociale për vonesën e publikimit të këngëve, por më në fund tashmë mund t’i dëgjojnë ato për të përzgjedhur të preferuarën e tyre.

Janë plot 28 artistët pjesëmarrës në këtë edicion të festivalit të këngës, i cili këtë vit do të ndahet në 4 net, nga data 17 deri në datën 20 dhjetor.

Organizatorët e Festivalit, me në krye Drejtoreshën Artistike Elhaida Dani, kanë vendosur që 2 netët e para të jenë netët e prezantimit të këngënve nga konkurrentët e këtij viti, nata e tretë do të jetë nata e nostalgjisë, ndërsa nata e 4-t do të jetë ajo finale ku do të shpallet edhe fituesi i festivalit, i cili do të ketë mundësinë të përfaqësojë Shqipërinë në Eurovizion 2026, në Austri.

Më poshtë gjeni listën e artistëve pjesëmarrës këtë vit në Festival, këngët e të cilëve i gjeni në Youtube:

FiFI ft. Tiri Gjoci – Rri

Kleansa Susaj – Hije

Luna Çausholli – Pa kufi

Vedat Ademi – Kur fjala mbaron

2 Farm – Valle mbi hi

Evi Reçi – Kod i jetës

Alis – Nan

Kamela Islamaj – Pa pretendime

Endri Kaçaçi – Si unë

Kimi – Prapë dielli del

Frensi – Tresh

Enxhi Nasufi – Dritë

Gerta Mahmutaj – Në krahët e tu

Erand Sojli – Të kam në fron

Lorenc Hasrama – Lamtumirë

Ghiti – Okej!

Erik Lloshi – Dy pika dashuri

Gresa Gjocera & Bledi Kaso – Busulla e zemrës

Lynx – Nuk kthehem pas

Inis Neziri – Ta kam fal

Malvina Likaj – Përtej Shpirtit

Rezarta Smaja – Balukeprera

Rigersa Loka – Albanian heart

Sara Kapo – Të dua shumë

Savjana Vjerdha – ID

Sheila – Zemra e tokës

Sihana Haxhinikaj – Horizont

Threex – Vite