Ta shndërrosh verën në… dezinfektant?

Konsumi i verës ka rënë në Itali për shkak të mbylljeve të restoranteve, nën masat për të ndaluar pandeminë, duke bërë që një shoqatë t’i kërkojë qeverinë për të futur masa emergjente.

”Krahasuar me vitin e kaluar, rreth 150 milionë litra më shumë verë mbetën në bodrumet e verës për shkak të mbylljes së restoranteve, bareve dhe dyqaneve të verës në Itali dhe jashtë”, sipas shoqatës së bujqësisë ”Coldiretti”.

”Në total, rreth 6,9 miliardë litra verë u lanë pa konsumuar deri më 31 janar 2021”, tha shoqata.

Eksportet e verës italiane ranë krahasuar me 2019 me një humbje prej 6,29 miliardë eurosh (7,49 miliardë dollarë).

”Coldiretti” i bëri thirrje qeverisë të fuste masa të shpejta për të ndihmuar, përfshirë ndihmën prej rreth 150 milionë eurosh dhe për të lejuar distilimin emergjent.

Kjo e fundit do të lejojë prodhuesit të prodhojnë 25 000 litra xhel dezinfektimi, shumica e të cilave aktualisht importohen nga jashtë.