Pandemia anulon ditëlindjen e Mbretëreshë Elizabet, por ja si do ta festojnë këtë vit britanikët

Për të dytin vit radhazi, ditëlindja e Mbretëreshë Elizabet do të kalojë pa bujën e çdo viti. Edhe këtë vit është anuluar parada Trooping the Color në Londër për shkak të pandemisë së Covid. Parada e përvitshme mbahet në Londër çdo 12 Qershor me rastin e ditëlindjes së monarkes.

Megjithatë zyrtarët e lartë, këtë vit po konsultojnë të gjitha idetë sesi do të festohet eventi i madh në Londër.  Planet tani janë duke u shqyrtuar për një ceremoni alternative që mund të ndodhë në Windsor ku Mbretëresha po qëndron e izoluar për shkak të pandemisë.

Opsionet për një Paradë alternative, në katërkëndëshin në Kështjellën Windsor, janë duke u shqyrtuar.