“Më shumë të zhveshura se të veshura”, Shqipe rrëfen historinë e ndodhur në një qendër masazhi

Shqipe Hysenaj ka qenë e ftuar tek “E diell” dhe ka folur më tepër për jetën e saj, eksperiencat në punë  dhe për një histori të pakëndëshme që i ka ndodhur teksa punonte në një qendër masazhi.

“Doja të studioja për të pasur këtë punë, por gjërat shkuan si shkuan dhe studioja marrëdhënie ndërkombëtare. Megjithatë, vendosa të shkoj në një qendër masazhi dhe të filloja punë, që të mësoja dhe profesionin”, tregoi Shqipja.

Por kur zbuloi në të vërtetë se si punohej aty, hoqi dorë nga kjo punë.

“Pranuan që unë të punoja, edhe pse nuk e dija profesionin por më thanë do të merresh vetëm me burra. Ato vajzat që punonin atje, ishin me minifund, me reçipeta. Kur i pashë më shumë të zhveshura se të veshura i thashë vetes, nuk je për këtë punë”, tha ajo.