Majlinda Manoku shpërblehet me çmimin e rëndësishëm në “Global Woman Club Summit”

Global Woman Club Summit bëri edhe njëherë bashkë elitat e gjithë botës. Eventi i mbajtur në Londër, prej vitesh nxjerr në pah vlerat e virtytet e grave, por jo vetëm. E si çdo vit, edhe këtë herë, çmimet janë shpërndarë për gratë që kanë sjellë ndryshim në shoqëri. Ajo që na bënë edhe më shumë krenar në këtë event, ishte çmimi i rëndësishëm, që këtë herë u fitua nga një shqiptare.

Flasim për Majlinda Manokun, sipërmarrësen e suksesshme të “Manoku”, që arriti të vlerësohej me çmimin “ Filantropia e vitit”. Një çmim ky që shpërblen të gjithë angazhimin dhe kauzat e rëndësishme që Majlinda ka çuar përpara me sukses. Natyrisht që ky çmim ka elektrizuar sallën dhe ka bërë shumë krenare Majlindën, e cila premton në të ardhmen që do të jetë edhe më e angazhuar në kauzat e bamirësisë, por jo vetëm.