“Kledi Kadiu nuk ma dha kurrë atë që meritoja”/ Ardit Çuni habit me deklaratën: Po të ishte Ilir Shaqiri në juri…
Këngëtari i njohur, Ardit Çuni, ishte ditën e sotme i ftuar në emisionin “Në shtëpinë Tonë” në Top Channel, ku ndër të tjera foli edhe për eksperiencën e tij në “Dancing With The Stars”.
Learn more
Ish-konkurrenti u shpreh se mësimi që ka marrë nga aty, por jo vetëm, është se ‘talenti nuk është gjithçka’
“Mësimi që kam marrë, jo vetëm nga Dancing, por nga shumë kompeticione në Shqipëri dhe jo vetëm, se nuk ndodh vetëm këtu, është që talenti nuk është gjithçka. Mos u bazo gjithmonë vetëm tek talenti dhe ajo që di të bësh.
Qoftë te puna, te marketingu, mënyra se si shitesh, fansat, publiku. Nuk është vetëm ajo që di të bësh”, tha Arditi.
Ndërkohë pyetjes “nëse do të kishte qenë Ilir Shaqiri kryetar i jurisë në edicionin e kaluar, mendon se do kishe fituar?”, këngëtari i njohur u përgjigj i bindur se ‘po’.
