Kendall Jenner ndihet e rreziikuar! Merr një urdhër mbrojtjeje të përhershëm…

Një Komisioner i Qarkut të Los Anxhelosit i caktoi Jenner një urdhër të përhershëm mbrojtje kundër Arnold Oscar Babcock për shkelje dhe cënim të pronës dhe privatësisë, sipas dokumenteve gjyqësore të marra nga E!News.

Vendimi ligjor vjen pasi Jenner paraqiti një peticion për ngacmim civil jo të dhunshëm kundrejtë Babcock në janar.

Ndërsa ky vendim mund t’i japë Jenner-it pak qetësi, nuk është hera e parë që ajo përballet me një frikë të supozuar të sigurisë. Në prill të vitit 2021, themelueses së ‘818 Tequila’ iu dha një urdhër ndalimi pesë-vjeçar kundër Malik Bowker pasi ai u arrestua në mars për shkelje të pronës së saj në Los Anxhelos.

Sipas TMZ, e cila citoi burime të zbatimit të ligjit, Bowker trokiti në dritaret e Jenner-it, ndërsa bërtiste emrin e saj. Më pas ai vazhdoi të hiqte rrobat e tij për të notuar në pishinën e saj.

Në atë kohë, burime pranë yllit të Kardashians konfirmuan për E!News se Jenner kishte shtuar masat e sigurisë pas incidentit. “Kendall ka rritur sigurinë dhe ka një ekip të madh në pronë dhe me të,” tha një burim i afërt me supermodelen. “Ata të gjithë ndihen sikur kanë nevojë për një prani të madhe sigurie në çdo kohë dhe se nuk mund t’u ndodhë përsëri diçka e tillë.”