Fifi tregon si u njoh me Adisin: U puthëm që në takimin e parë

Përvec eksperiencës në Big Brother dhe projekteve muzikore, Fifi ka qenë në qendër të vëmendjes së mediave edhe për lidhjen e saj me Adis Patushin. Këngëtarja ka qenë e ftuar ditën e djeshme në emisionin “Më lër të flas” në Top Channel dhe ka treguar se si janë njohur ata të dy.

“Është gjithçka kam ëndërruar në jetë. Jemi puthur po atë ditë që jemi takuar. Më është dashur ta bej publike lidhjen me Adisin që t’i iki asaj vorbullës së fjalëve negative, të tregoj sa e dashuruar jam me një njeri fantastik,” tregoi Fifi e cila tha se ka qenë Kledi ai që i ka përcjellë ngacmimin e parë të Adisit.

Ky i fundit kishte kërkuar të dinte shenjën e saj të horoskopit, ndërsa këngëtarja ishte ofruar t’i shkruante vetë për t’ja treguar.