Anëtarët e familjes mbretërore të shqetësuar për pjesëmarrjen e Princ Harryt dhe Meghan Markle në kurorëzimin e Mbretit Charles

Shqetësimi i shkaktuar në mbretërinë britanike nga mini-seriali i Netflix “Harry & Meghan” ka prekur disa anëtarë të elitës britanike , të cilët po bëjnë thirrje që Duka dhe Dukesha e Sussex-it të lihen jashtë ceremonisë së kurorëzimit të Mbretit Charles III vitin e ardhshëm.

Ish politikani konservator David Mellor i tha Daily Mail, “Ata fitojnë para duke shitur familjen e tyre. Mendoj se duhet të jetë e qartë se britanikët nuk i duan ata atje. Ata nuk duhet të vijnë në kurorëzimin. Ata kategorikisht nuk duhet jenë prezent”, tha ai.

Anëtari aktual i Parlamentit dhe ish-udhëheqësi i Partisë Konservatore Iain Duncan Smith tha: “Nëse nuk e pëlqejnë kaq shumë familjen mbretërore, pse do të marrin pjesë në kurorëzimin?”

Shkrimtarja britanike Lady Antonia Fraser u shpreh: “Shpresoj që të mos vijnë sepse dua që Mbreti dhe Mbretëresha të jenë në qendër të vëmendjes. Unë shqetësohem se nëse vijnë kamerat do të humbasin kohë me ta. Ata duhet të qëndrojnë të kapur për dore në Hollyëood.

Ndërkohë që në tre episodet e para të serialit nuk pati asnjë akuzë të drejtpërdrejtë apo ndonjë fakt zbulues, pritet që në pjesën e dytë, premierë të enjten, të ketë komente që ngjallin polemika , siç shihet edhe nga traileri, në të cilën Harry komenton se familja e tij gënjeu për të mbrojtur vëllain e tij Ëilliam, por ata nuk janë në gjendje të thonë të vërtetën për ta mbështetur atë dhe gruan e tij.

Kurorëzimi i Charles III, do të bëhet në maj 2023.