Televizioni italian në zi, ndahet nga jeta Pippo Baudo…

Pippo Baudo, është ndarë nga jeta sot në moshën 89-vjeçare, duke lënë pas një trashëgimi të jashtëzakonshme suksesi, pasioni dhe përkushtimi ndaj artit dhe publikut italian (dhe jo vetëm).

ÇPër më shumë se gjashtë dekada, Baudo mbeti një figurë qendrore në botën e spektaklit, duke thyer rekorde dhe krijuar momente të paharrueshme për publikun. Ai mbahet mend veçanërisht për drejtimin e Festivalit të Sanremos plot 13 herë dhe për zbulimin e shumë talenteve të reja që më pas do të bëheshin emra të njohur. Një prej tyre është këngëtarja Laura Pausini e cila ka prekur me postimet e saj në Instagram, kushtuar moderatorigit të mirënjohur italian.

Pippo Baudo ka qenë i pranishëm edhe në Shqipëri si i ftuari special i Ardit Gjebras në Kënga Magjike. Duke e cilësuar si idhullin e tij, Gjebrea ka postuar gjithashtu në rrjetet sociale momente nga prezantimi me prezantuesin e njohur italian.