“Tenton ta puth në buzë me zor”, Loredana refuzon Jozin.

Tension në shtëpinë e Big Brother VIP Albania 4. Vëllai i madh ka organizuar një sfidë për banorët ku ata ishin të detyruar të përqafoheshin dhe të jepnin puthje sa herë që luhej kënga e artistit turk Tarkan “Kiss Kiss”.

Gjatë sfidës, shumica e banorëve po e respektonin rregullin duke u përqafuar dhe puthur në faqe miqësisht.Ndërsa, Jozi e shfrytëzoi sfidën për të shkuar më tej, duke tentuar të puthte Loredanën në buzë.

Pas veprimit të tij, Loredana u përpoq të largohej duke i thënë disa herë “Jo në buzë”, por Jozi nuk hoqi dorë dhe tentoi përsëri duke e kapur me zor nga faqet. Në fund ajo e shtyhu dhe u largua e acaruar, duke mallkuar madje në anglisht.

Ky moment i transmetuar në Instagram, shkaktoi reagime të forta nga publiku, i cili shpërtheu në komente të ashpra. Shikuesit e cilësuan Jozin si ngacmues dhe shprehën neveri për veprimin e tij kundrejt Loredanës

https://www.instagram.com/reel/DEx1J2_Mkou/?igsh=cnB2b2kwNDcyZG90