Zajmina Vasjari gati për fëmijën e tretë, ja planet e këngëtares

Zaimina Vasjari ishte një nga të ftuarat në “Zemër Luana”. 

Ajo njihet tashmë për natyrën e saj tepër sportive dhe energjike dhe kështu reagoi edhe ndaj situatave që u gjend në program. Në emisionin “Zemër Luana” është dhe aktori Eglein Laknori, i cili shfaqet shpeshherë në program, nën petkun e personazheve të ndryshëm. Këtë herë erdhi si profesor “Mustafai”, ku i drejtonte pyetje të ndryshme të ftuarve.

Ai iu drejtua Zaiminës duke e pyetur se cilit person nuk i lagen flokët në dush. Me shumë sportivitet, këngëtarja tha “qerosët ose burri im”.

“Profesori” vijoi duke e pyetur: “Meqënëse jemi tek burri jot, kur e keni në plan fëmijën tjetër?” Zaimina nuk hezitoi të përgjigjej, madje ajo tha që se avash-avash do nisin punën.

Ajo në një emision ka folur për bashkëshortin e saj Klodian Asllanin, me të cilin ka dy fëmijë së bashku, vajzën Khloe dhe djalin Kamar.

Këngëtarja zbuloi se aq sa liberal është bashkëshorti i saj, aq është edhe tradicional në kuptimin që gruan e do në shtëpi gjatë pjesës më të madhe të kohës. Ajo u shpreh se babai i fëmijëve të saj, i cili ka edhe dy vajza të tjera nga martesa e mëparshme, është një prind i mrekullueshëm dhe i përgjegjshëm.