Atdheu dhe Antonela arratisen së bashku në Milano

Atdheu dhe Antonela janë një nga dyshet më të komentuara të “Për’puthen”.

Ai pati një ballafaqim me Antonelën, ku më shumë se për t’u sqaruar me të, ata dukeshin se po zhvillonin një takim të mohuar ku konkurrentja u shpreh se kishte një pëlqim akoma për të dhe madje kërkoi me ngulm kthimin e Atdheut në program.

“Kam ardhur në emision dhe ke qenë një ndër pëlqimet e mia kryesore dhe nga krenaria që kemi të dy nuk kemi dalë kurrë bashkë. Gjithsesi pëlqimi ka mbetur dhe sot. Kur kam ardhur tek lokali kam ardhur për respektin që kisha për ty dhe për pëlqimin. Kur më the që po të coj në shtëpi, e kisha besën. Ti u afrove i pari si mashkull, por nuk e prisja dhe ngaqë është një nga rregullat e emisionit që nuk duhet të takohemi e puthemi”, i tha Antonela.

Në puntatën e transmetuar, konkurrentja zgjodhi të kishte një takim me Atdheun dhe kërkoi nga produksioni që ta rikthente atë në program. Mbetet për t’u parë se çfarë do të ndodhë në vijim dhe a do të ketë një kthim të dytë të Atdheut në “Për’puthen”.

Së fundmi, dyshja janë parë duke darkuar bashkë. “Vipat e Bllokut” publikuan fotot e tyre teksa ata bisedonin me njëri-tjetrin në një tavolinë.

Mirëpo, nuk e dimë ç’po ndodh së fundmi, pasi Atdheu dhe Antonela janë “arratisur” së bashku jashtë vendit. Ata kanë publikuar të dy story nga i njëjti vend, në Milano të Italisë dhe s’e kanë pasur aspak problem të dalin hapur e t’i tregojnë të gjithëve ku janë.

Ende nuk dihet nëse vendimi i tyre ka qenë të largohen nga emisioni, apo udhëtimi në Milano ka qenë për qëllime xhirimesh.