Zbulohet e vërteta e marrëdhënies së Jennifer Lopez dhe Ben Affleck

Jennifer Lopez dhe Alex Rodriguez, prej kohësh i kanë dhënë fund lidhjes së tyre.

Shumë aludime janë ngritur se pas ndarjes, ajo po takohet me ish-partnerin e saj, Ben Affleck.

“Rojet e sigurimit e marrin Affleck dhe e përcjellin sërish kur del nga shtëpia e saj, pasi ka qëndruar disa orë atje.”- kanë treguar burimet, që gjithashtu shtojnë se aktori është parë të paktën tre herë në shtëpinë e saj, që nga koha e ndarjes.

Mirëpo mes Ben dhe Jennifer nuk ka asgjë më shumë se miqësi! Një burim ka treguar për “Entertainment Tonight” se ata janë shokë shumë të mirë dhe se kanë një marrëdhënie perfekte.

“Ata kanë pasur një histori romantike, por në këtë pikë ata kanë vetëm miqësi. Të dy e admirojnë njëri-tjetrin profesionalisht, e respektojnë njëri-tjetrin dhe ndjehen rehat bashkë. Jennifer dhe Ben janë takuar shpesh herë që pas ndarjes së saj nga Alex. Jen dhe Ben kanë qenë miq gjatë viteve dhe të dy janë ende thjesht miq”, kanë thënë burimet për “ET”.

Megjithatë, fansave po i lindin dyshimet se mes tyre tashmë mund të ketë diçka më shumë sesa thjesht shoqëri, pasi Affleck është shpatulla e ngrohtë ku J.Lo po mbështetet pas ndarjes me Alex Rodriguez.

Dyshja ende s’ka reaguar lidhur me këto lajme.