Vjen puthja, Jennifer Lopez dhe Ben Affleck nuk fshihen më

Të gjitha lajmet që i referoheshin një rikthimi të JLo dhe Ben Affleck, sapo janë zyrtarizuar nga vetë këngëtarja e famshme, e cila sot feston 52-vjetorin e lindjes. Po çfarë më mirë se prania e aktorit do ta bënte më të lumtur?

Pas ndarjes nga Alex Rodriguez, Jennifer Lopez nuk humbi shumë kohë, por rigjeti dashurinë te Ben Affleck dhe nga sa duket edhe në këtë kolazh fotosh, është shumë e lumtur.

Nga një jaht luksoz, nga festa e ditëlindjes së saj, JLo ka ndarë me miqtë disa foto me rroba banje dhe mes tyre, edhe një foto duke u puthur me të dashurin e zemrës.

Tashmë nuk ka asnjë pikëpyetje. Romanca ka rinisur dhe zjarri i dashurisë është rindezur.