Veprimi i fundit i dashurisë së Sharon Osbourne ndaj Ozzy-it

Sharon Osbourne po sigurohet që dëshira e fundit e bashkëshortit të ndjerë, Ozzy Osbourne, të përmbushet kur ai të përcillet për në banesën e fundit në një ceremoni private.

Të mërkurën, “Princi i Errësirës” u nderua me një paradë publike në Birmingham, ku mijëra njerëz dolën në rrugë për t’i dhënë lamtumirën, ndërsa familja vendosi lule dhe lexoi homazhe.

Tani, ylli pritet të varroset në një funeral privat familjar të enjten, pasi Daily Mail zbuloi javën e kaluar se Sharon dëshironte ta varroste Ozzy-n në kopshtet e pronës së tyre prej 350 hektarësh në Buckinghamshire.

Edhe pse vendi i pushimit të fundit mund të duket i pazakontë, në një fragment nga autobiografia e Ozzy-t nga viti 2009, I Am Ozzy, ai kishte shprehur këtë dëshirë ndaj Sharon-it.

“I kam thënë Sharon-it: ‘ Dua të më varrosin në tokë, në një kopsht të bukur diku, me një pemë të mbjellë mbi kokë.”