Tepër emocionuese: Fansat e DMX mblidhen para spitalit dhe luten për të

DMX, reperi i njohur, ka përfunduar në spital në intubim. Shumë aludime janë ngritur sikur reperi ka kaluar mbidozë me lëndë narkotike, ndonëse ende nuk është konfirmuar shkaku i atakut në zemër.

Avokati i tij, tha se ka qenë në kontakte gjatë gjithë ditës së shtunë me familjarët e reperit, dhe fëmijët e tij, të cilët janë të shpërndarë në disa shtete amerikane, po kthehen për të qëndruar pranë babait të tyre në këtë moment delikat për jetën.

Richman tha se ai e njeh DMX për 25 vjet dhe tregoi se është në dijeni të diagnozës mjekësore të reperit, por nuk pranoi ta komentojë atë.

DMX, emri i vërtetë i të cilit është Earl Simmons, u fut në skenën e repit amerikan në vitet 1990, me këngë si “Party Up” dhe “Get At Me Dog”. 50-vjeçari gjithashtu ka luajtur edhe në mbi 40 filma, më të famshmit “Romeo Must Die” me këngëtaren e famshme Aaliyah pak para se ajo të ndërronte jetë, dhe “Never Die Alone”.

Qindra persona thuhet se u mblodhën të hënën për t’u lutur dhe për të ofruar mbështetje për DMX, ndërsa ai mbetet i shtruar në spital pas një sulmi në zemër që pësoi të premten, shkruan CNN, transmeton lajmi.net.

“Neës 12” raportoi se rreth 500 njerëz u mblodhën jashtë Ëhite Plains, në Nju Jork, spitalin ku reperi dhe aktori po trajtohet aktualisht.

Gjatë fundjavës, një reagim u lëshua nga përfaqësuesit e tij, duke kërkuar lutje për të dhe duke thënë: “Në emër të familjes së DMX, ne po kërkojmë nga të gjithë ta përfshijnë atë në lutjet tuaja. Gjendja e tij nuk ka ndryshuar”.

“Ai është në gjendje kome dhe në një ventilator në këtë kohë,” shkruhej në deklaratë. “Familja vlerëson të gjithë dashurinë dhe lutjet nga të gjithë njerëzit në të gjithë botën. Familja do të njoftoj të gjithë rreth të rejave. Përndryshe ju lutemi respektoni privatësinë e familjes”.

Sipas Neës 12, policia duhej të bllokonte rrugën pasi një turmë e mbledhur për vigjiljen e lutjes për artistin i cili u rrit në Yonkers dhe i cili, me kalimin e viteve, i është kthyer komunitetit duke ushqyer banorët në Ditën e Falënderimeve dhe duke bërë donacione tek qendra lokale e komunitetit, ku ai mori pjesë si i ri.