Taylor Swift thyen rekordin e radhës

Taylor Swift ka thyer një tjetër rekord Guinness këtë herë jo me një album apo turne madhështor, por me një podcast. Pjesëmarrja e saj e parë në episodin e “New Heights”, të drejtuar nga vëllezërit Jason dhe Travis Kelce, tërhoqi plot 1.3 milion shikues njëkohësisht në YouTube më 13 gusht, duke vendosur një rekord botëror. Fansat vunë re menjëherë rastësinë (apo jo) që ky numër përkon me shifrën e preferuar të Swift: 13.

Episodi dy-orësh, që tashmë ka kapërcyer 20 milionë shikime, u shndërrua në një moment të vërtetë kulturor. Gjatë intervistës, Swift zbuloi për herë të parë detaje për albumin e saj të 12-të në studio, me titull “The Life of a Showgirl”, i cili do të publikohet më 3 tetor.