Pas shuplakës në Oscars, Jada Smith dëshiron që Will Smith dhe Chris Rock të pajtohen

Jada Pinkett Smith komentoi shuplakën e famshme të Oscars që përfshiu bashkëshortin e saj Will Smith dhe komedianin Chris Rock. Duke ndarë mendimet e saj për miqësinë e tyre ajo mendon se është e rëndësishme që ata të pajtohen.

“Këta dy burra inteligjentë dhe të aftë kanë një mundësi për t’u shëruar, për të folur dhe për t’u pajtuar,” shpjegoi aktorja gjatë një episodi të fundit të serisë së Facebook Watch “Red Table Talk”.

Ajo vazhdoi duke thënë se Will dhe Chris ende mund të punojnë në miqësinë e tyre.“Gjendja e botës sot, ne kemi nevojë për ata të dy,” vazhdoi ajo.“Dhe ne të gjithë në fakt kemi nevojë për njëri-tjetrin më shumë se kurrë. Deri atëherë, Will dhe unë po vazhdojmë të bëjmë atë që kemi bërë për 28 vitet e fundit, dhe kjo është të vazhdojmë të kuptojmë këtë gjë që quhet jetesë së bashku.”