Në PS gati festa, Edi Rama jep njoftimin: Në orën 18:00 për përqafimin e fitores

Partia Socialiste është gati të festojë. Pasi ka pritur i qetë numërimin e votave nëpër të gjitha kutitë, Edi Rama ka reaguar për herë të parë. Me një foto të tijën, i relaksuar nga zyra e selisë së PS, kryeministri ka bërë me dije se sot është koha për të festuar.

 “Sot në 18.00, në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores”, shprehet kryeministri i cili tashmë ka marrë mandatin e tij të tretë.