Mos vallë Sara dhe Atdheu nuk janë më bashkë?!

Atdheu dhe Sara dolën çift javën e kaluar me kërkesë të Atdheut.

“Dua të largohem nga programi nëse ti dëshiron që ta vazhdojmë njohjen jashtë”, tha Atdheu.

Ky vendim i dyshes i surprizoi të gjithë, duke qenë se ata kanë pasur herë pas here përballje të forta mes tyre. Megjithatë Sara u shpreh e lumtur për këtë gjë dhe tha se po del nga emisioni me njeriun që vërtetë ka dashur që në fillim.

“Unë jam pak egoiste, por tani e kam ndjerë me shpirt këtë gjë që bëra dhe jam shumë e lumtur. Po dal nga ky emision me njeriun që vërtetë kam dashur të dal dhe në fakt nuk e prisja me gjithë situatat që kanë ndodhur mes nesh, por fatmirësisht i kaluam”, tha Sara.

Skeptik për këtë vendim të tyrin ishte opinionisti Arjan Konomi, i cili nuk i besoi fjalët e çiftit. Madje, ai tha se ata s’do të mund të rezistonin as tre javë së bashku dhe në fakt, fjalët e tij rezultuan të vërteta.

Sara dhe Atdheu, që deri tani mbushnin llogaritë e tyre me postime me njëri-tjetrin, kanë hequr papritur çdo foto së bashku.

Madje, ata as nuk ndiqen më në Instagram.