Luljeta e “Për’puthen +40” tregon kush politikan ia ‘ndez llampën’: Mashkull seksi, dy metër…

Ajo është një ndër personazhet që ka spikatur më shumë nga të gjithë konkurrentët e “Për’puthen” si dhe “Për’puthen +40”. Bëhet fjalë për 65-vjeçaren nga Fieri Luljeta Nallbani.

Së fundmi, Luli ka dhënë një intervistë, fiks siç di ajo, pa filtra dhe krejtësisht e drejtpërdrejtë. Në dy këngët që ajo ka realizuar falë spektaklit “Për’puthen +40” e që janë komentuar pa fund, “S’ta Jap” dhe “Luje”, dëgjohet shprehja e saj “ma ndez llampën”.

Në këtë intervistë, ajo u bë pjesë e një loje që quhej pikërisht kështu ku i duhet të zgjidhte se cilët nga personazhet e famshëm meshkuj “ja ndezin llampën”.

Ndër ta, ishin edhe disa figura shumë të njohura politike disa prej të cilëve Luljeta pati këto komente:

“Edi është seksi, s’ka. Ky ta ndez pa e parë mirë. Mashkull 2 metër, i kuruar i veshur, ma ndez llampën. Meta jo. Mos të mërzitet, Iliri nuk ma ndez llampën. Basha është king, është i bukur. Është i plogët, e ndez llampën, por nuk është tipi im. Për Berishën kam respekt. E kam takuar, doktori është artist. Ka dhe një zonjë grua. Megjithse është doktor dhe ta ndez, doktori mund të pi viagra!“, u shpreh ajo.

Luli nuk do të jetë më pjesë e “Për’puthen +40” pasi ka deklaruar se e ka të pamundur të vijë çdo ditë në Tiranë nga Fieri./TopAlbaniaRadio