E rrallë në “Sanremo”! Dyshja e “Jalisse” skualifikohet për të 29-ën herë, “festojnë” në Instagram

Fundjavën që lamë pas, drejtuesi Carlo Conti ka bërë publikë emrat e artistëve të cilët janë kualifikuar në fazën finale të Festivalit të Sanremos 2026.

Por krahas atyre që janë skualifikuar, vihet re sërish prezenca e “Jalisse”, e përbërë nga këngëtarët Alessandra Drusian dhe Fabio Ricci, të cilët nuk kalojnë dot në fazën e radhës për të 29-ën herë, edhe pse janë fitues të festivalit të famshëm në vitin 1997.

“Vitin tjetër mund të rrumbullakosim shifrën” – shprehen ata me irno në rrjetet sociale.

 Reagimi i “Jalisse” nuk vonoi pasi u bë publike lista e artistëve, pasi si zakonisht ata publikuan një video në profilin e tyre në Instagram. Interesant është fakti se Alessandra dhe Fabio kanë përdorur gjithnjë autoironinë dhë humorin për të komentuar rezultatet, çka i bën ata edhe të dashur për ndjekësit.

“Saga vazhdon, pyetjet tona mbeten, por ne do të ringrihemi si gjithmonë” – shprehet dyshja, e cila ka publikuar videon e xhiruar në momentin që kanë dalë rezultatet, me 2 tullumbacë në dorë, një me numrin 2 dhe një tjetër me numrin 9, për të “festuar” pikërisht herën e 29 që nuk pranohen në “Sanremo”.

Ndër vite, refuzimi i këngëve të tyre për në fazën finale të festivalit ka shkaktuar edhe reagimin e ndjekësve, të cilët i kërkuan drejtuesit të shkuar të Sanremos, Amadeus që t’i pranonte me patjetër, por nuk u realizua.

Alessandra dhe Fabio, në vitin 2023 u bënë pjesë e reality shoë-t “Isola dei Famosi” për të bërë pak më shumë bujë, ndërkohë që në vitin 2024 ishin të ftuar në “Sanremo” për të kënduar këngën e tyre fituese të vitit 1997, “Fiumi di parole”.

Gjithësesi, numri i të skualifikuarve për në “Sanremo 2026” është shumë i lartë në raport me “dështimin” e dyshes Alesssandro-Fabio. Kanë qenë edhe 269 konkurrues të tjerë të cilët nuk janë kualifikuar, por “Jalisse” bën bujë pikërisht për rekordin e tyre negativ.

Më poshtë do të gjeni listën e 30 finalistëve të festivalit Italian të këngës, mes të cilëve është edhe shqiptari Ermal Meta:

Tommaso Paradiso
Chiello 
Serena Brancale 
Fulminacci 
Ditonellapiaga 
Fedez & Masini 
Leo Gassmann 
Sayf 
Arisa 
Tredici Pietro 
Sal Da Vinci 
Samurai Jay 
Malika Ayane 
Luchè 
Raf 
Bambole di pezza 
Ermal Meta 
Nayt 
Elettra Lamborghini 
Michele Bravi 
J-Ax 
Enrico Nigiotti 
Maria Antonietta & Colombre 
Francesco Renga 
Mara Sattei 
LDA & Aka 7even 
Dargen D’Amico  
Levante 
Eddie Brock 
Patty Pravo