“Dobësohu më mirë!”, ja si i kthehet Elita ndjekëses

Elita Rudi dhe Gjiko u bënë prindër për herë të dytë në 3 mars, të cilën e pagëzuan me emrin Bota dhe që nga ajo ditë nuk na i kursejnë fotot e vogëlushes së tyre të adhurueshme, së bashku me djalin  e tyre Zërin. Moderatorja është tepër aktive në rrjetet sociale ku dhe ndan me ndjekësit momente nga përditshmëria e saj.

Së fundmi ajo ka treguar bikinit dhe veshjet e verës nëpërmjet një videoje, por kjo është pasuar nga një mesazh i pakëndshëm nga një femër, të cilin Elita ka vendosur që ta bëjë publike.

“Kap ti dobsohu mas miri”, i ka shkurar ndjekësja.

Vihet  re se ky nuk ishte komenti i parë i këtij lloji ndaj moderatores pasi edhe më herët ajo i ishte drejtuar në të njëjtën formë.

“Shum kom mendu qe je femen pozitive veq shum lop ishe”, i kishte shkruar më herët.

Mesa duket Elitës i kanë ardhur në majë të hundës këto lloj komentesh dhe etiketimesh dhe me të drejtë i ka dhënë një përgjigje publike duke iu kthyer në të njëjtën monedhë.

“E shkreta ti per edukaten dhe negativitetin tond ! (mos shkoni mandej mi mshel acc masi po e merrni pergjigjen me te njejten monedhë)”, i është përgjigjur moderatorja.