“Do martohet shumë shpejt”, moderatori nxjerr sekretin e Mariza Ikonomit

Para pak kohësh këngëtarja Mariza Ikonomi ka pranuar publikisht se është e dashuruar dhe se po përjeton një histori të bukur romantike me partnerin që ka në krah. Ajo foli për personin që i ka rrëmbyer zemrën, por pa e zbuluar identitetin e tij.

Së fundmi moderatori Ermal Peçi, i cili është mik i ngushtë i saj, ka zbuluar se ajo do të martohet së shpejti. 

 “I kam thënë ‘Martohu’ dhe po e them si lajm ekskluziv se Mariza do martohet shumë shpejt. Është e vetmja gjë që i kemi kërkuar publikisht dhe e ka ndarë mendjen”, u shpreh ai.

Mariza gjatë karrierës së saj nuk ka preferuar të flasë për jetën e saj private por ka pranuar se edhe ajo është dashuruar.