David & Victoria Beckham të frikësuar se humbën djalin e tyre

David dhe Victoria Beckham thuhet se janë të zemëruar dhe të pikëlluar dhe kanë frikë se djali i tyre i madh, Brooklyn, “ka braktisur familjen” pasi nuk ftoi asnjë nga të afërmit e tij në ceremoninë e fshehtë të rinovimit të betimeve martesore.

Brooklyn dhe bashkëshortja e tij Nicola Peltz, të cilët u martuan për herë të parë në vitin 2022, thanë “po” për herë të dytë më 2 gusht në Westchester County, përpara familjes së saj, e cila kishte role kyçe në këtë ditë të veçantë, ndërsa familja Beckham nuk u pa askund.

Prindërit e Brooklyn-it, vëllezërit e motra e tij thuhet se e morën vesh për ditën e madhe vetëm pasi lexuan një lajm në mediat amerikane.

Djali i tyre i madh është larguar gjithnjë e më shumë nga familja që kur injoroi ditëlindjen e 50-të të babait të tij, dhe tani familja ka frikë se kjo është goditja përfundimtare.