Albani zbulon punën e parë që ka bërë dhe nuk keni për ta besuar dot!

Alban Skënderaj, këngëtari i njohur, i ftuar mbrëmjen e djeshme “Në kurthin e Piter Panit” ka folur më tepër për jetën e tij, arsyet pse nuk merr pjesë në gara muzikore si dhe për fëmijërinë.

E merrni dot me mend se çfarë punë ka bërë Albani kur ishte i vogël dhe akoma i panjohur për publikun shqiptar?

“Puna ime e parë, mbaj mend, kur isha i vogël, kam shitur çokollata. Më pëlqente që të kontribuoja dhe të ndihmoja familjen. Mbaj mend ishte një kaos i madh ekonomik, shumë fëmijë të lagjes shishnin paketa. Mua më pëlqente të isha pjesë, të jepja një dorë në familje.

Më vonë pastaj, kam bërë edhe shumë punë të tjera. Por asokohe të gjithë kështu bënin.

Puna është krenari, sa më shumë të kesh punuar, madje sa më shumë profesione të kesh bërë, aq më i pasur do të jesh. Mendoj se edhe fëmijëve është mirë që krahas mësimeve, t’ua transmetojmë kulturën e punës – të dyja së bashku”, u shpreh këngëtari.

Alban Skënderaj është një prej artistëve shqiptarë që përgjatë këtyre viteve na ka falur art të pastër e muzikë shpirti, duke rrëmbyer kështu zemrat e të gjithë shqiptarëve.

Ai dhe Miriam Cani janë prindër të lumtur të dy fëmijëve shumë të ëmbël, Ameli dhe Duam. Çifti kanë 14 vite bashkë dhe çdo hap në jetën e tyre e kanë hedhur me siguri të plotë e në kohën e duhur.