Billie Eilish flet për sindromën e rrallë nga e cila vuan

Këngëtarja e njohur ndërkombëtarisht Billie Eilish ka treguar se vuan nga sindrom ‘Tourette’ që në moshën 11-vjeçare.

Sindroma Tourette është një gjendje e sistemit nervor që bën njerëzit të kenë “tik”. Ajo përfshin lëvizje të përsëritura ose tinguj të padëshiruar që nuk mund të kontrollohen lehtësisht.

Billie shpjegoi se, kur ajo përjeton një tik, njerëzit nuk reagojnë gjithmonë siç duhet dhe me konsideratë. Ajo tregoi se ata qeshin sepse mendojnë se po përpiqet të bëj shaka. “Unë gjithmonë ndihem tepër e ofenduar nga kjo,“-tha ajo.

“Këto janë gjëra që nuk do t’i vini re kurrë nëse thjesht po bëni një bisedë me mua”- u shpreh këngëtarja, “Por për mua, ato janë shumë rraskapitëse.”