Flet bashëshorti i Hueyda El Saied: Kishim shpresë se do të shpëtonte

Lajmi që balerina e njohur Hueyda El Saied ndërroi jetë tronditi mbarë opinionin publik shqiptar.

Ndërsa sot për herë të parë bashkëshorti i saj Thierry ka rrëfyer gjithçka, nga momenti kur Huejda zbuloi se ishte e sëmurë, si ja thanë të birit deri te gjendja e tij aktuale për  programin ‘ABC e Mëngjesit’ . “Është një shok shumë i madh. Mbetet një peshë e madhe, por përpara se të filloja, do doja të thoja shumë faleminderit për të gjithë mesazhet që kemi marrë nga ana e Shqipërisë. Këtë e them edhe në emër të Gabrielit. Shumë faleminderit.

Është sërish një makth këtu nga ana ime. Por do të qendroj i fortë, Gabrieli është më i fortë se unë. Duhet të qendrojmë të fortë për Huejdën.

Mësuam për sëmundjen e saj përpara një viti e gjysmë, në korrik të 2019. Ishte zgjedhja e Huejdës ta mbante këtë sekret. Të gjithë e dinë që ajo ishte shumë e fortë dhe nuk donte që ne të ndjenim keqardhje. Edhe donte ta bënte këtë luftë e vetme.

Ne nuk i kemi fshehur asgjë Gabrielit, siç mund t’i flasësh një djali vetëm 6 vjeç. Ne i flisnim atij përpara çdo procesi dhe ishte i informuar në brendësi të situatës. Ne kishim shpresë deri ditën e fundit se ajo do të shpëtonte”, u shpreh i përlotur Thierry